Aron er aðstoðamaður dýralæknis sem hóf störf hjá okkur sumarið 2024. Aron hefur mikla reynslu í umönnun dýra en hann hefur starfað í nokkur ár sem dýrahirðir í Húsdýragarðinum. Aron er metnaðarfullur, glaðlyndur og býr yfir allskyns mikilvægum fróðleik fyrir gæludýraeigendur.
Aron á einn hund, 2 naggrísi og 2 kanínur.
aron@gdk.is
Bergdís hóf störf hjá okkur sumarið 2022 og er nú í námi í dýrahjúkrunarfræði. Hún er mikill áhugamaður um bæði hesta og hunda og býr yfir víðtækri reynslu af dýrum. Bergdís er glaðlynd og hlý manneskja sem fangar hug og hjörtu bæði manna og dýra með hlátri sínum og nærveru. Hún á hundinn Tind, sem er aðalsamfélagsmiðlastjarna okkar, auk þess sem hún á nokkra hesta.
Dagbjört hóf störf hjá okkur í móttökunni í nóvember 2024. Dagbjört tekur á móti viðskiptavinum Gæludýraklíníkarinnar með hlýju og jákvæðni. Hún er vinnusöm, dugleg og leggur sig fram við að tryggja að bæði dýr og eigendur fái bestu mögulegu þjónustu. Dagbjört hefur sérstakt dálæti á köttum og nýtur þess að vinna í umhverfi þar sem velferð gæludýra er í fyrirrúmi. Með bros á vör og lausnamiðaða nálgun skapar hún hlýlegt og þægilegt andrúmsloft í móttökunni.
Elín Rúna Backman lærði dýralækningar við Den Kongelige Veterinær og Landbohøjskole i Danmörku og úskrifaðist vorið 2007. Elín Rúna starfaði sem gæludýralæknir á höfuðborgarsvæðinu þar til hún fluttist til Húsavíkur árið 2011, þar sem hún rak eigin dýralæknaþjónustu. Hún hefur sérstakan áhuga á almennri heilsugæslu gæludýra og meltingarvandamálum auk velferð smádýra og hefur sótt fjölmörg námskeið sem snúa að naggrísum og öðrum nagdýrum.. Elín Rúna hefur reynslu af umhverfisvernd og sjálfbærni í rekstri og mun sjá um innleiðslu grænnar stefnu fyrirtækisins.
elinruna@gdk.is
Erna Þorsteinsdóttir er dýrahjúkrunarfræðingur sérmenntuð á sviði svæfinga smádýra. Erna hefur 12 ára reynslu í starfi sem dýrahjúkrunarfræðingur og hefur mikla reynslu á sviði tannlækninga smádýra. Erna er mikill dýravinur og er mjög virk í útivist en hún hefur bæði æft og keppt í canicross og fleira hundasporti.
Erna á 2 Husky hunda og 1 kött.
erna@gdk.is
Gréta er brosmild, skipulögð og kraftmikil í starfi. Hún tók við starfi framkvæmdastjóra fyrirtækisins í júní 2024 og heldur vel utan um reksturinn með metnaði og yfirvegun. Á milli þess sem hún sinnir stjórnunarlegum verkefnum, leysir hún einnig úr helstu daglegum verkefnum starfseminnar eftir þörfum – allt frá samskiptum við viðskiptavini til stuðnings við teymið sitt.
Gréta á Dandie Dinmont Terrier hundinn Díönu og hefur sérstakan áhuga á velferð dýra og gæðum þjónustunnar.
Hrund Ýr Óladóttir lærði dýralækningar við Norges Veterinærhøgskole, útskrifaðist þaðan árið 2003 og vann á nokkrum dýralæknastofum hérlendis þar til hún hóf störf á Dýraspítalanum í Víðidal vorið 2005. Þar starfaði hún í 15 ár og bar ábyrgð á tannlækningadeild spítalans og endurmenntun samstarfsfólks á deildinni síðustu 5 árin. Hrund Ýr er hefur sótt mörg námskeið á sviði tannlækninga smádýra í Luxemborg og Halmstad í Svíþjóð. Hrund hefur yfirumsjón með tannadeild Gæludýraklíníkarinnar og framkvæmir m.a. tann- og kjálkaaðgerðir.
hrundyr@gdk.is
Kristín Inga kom fyrst til okkar sem sumarafleysing árið 2023 og hefur síðan þá orðið mikilvægur hluti af teyminu okkar. Hún útskrifaðist sem dýralæknir frá University of Copenhagen árið 2021.
Kristín Inga er fagmanneskja, glaðlynd og hlý í samskiptum. Hún leggur mikla áherslu á að bæði dýr og eigendur finni fyrir öryggi og trausti þegar þau koma til okkar. Hún hefur sérstakan áhuga á skurðlækningum og hefur umsjón með skurðstofunni okkar, auk þess að sinna almennum dýralækningum.
Við erum einstaklega ánægð með að hafa Kristínu Ingu í teyminu okkar.
Mathilde hóf störf hjá Gæludýraklíníkinni í september 2026. Hún útskrifaðist sem dýralæknir frá Kaupmannahafnarháskóla árið 2023 og hefur meðal annars reynslu af smádýralækningum, rannsóknum og gæðatryggingu.
Mathilde er brosmild, glaðleg og dugleg og hefur mikinn áhuga á að þróa klíníska færni sína og takast á við ný verkefni.
Mathilde er dönsk að uppruna og talar dönsku og ensku reiprennandi auk þess að hafa grunn í ítölsku.
Við erum mjög ánægð með að fá Mathilde til liðs við okkur og hlökkum til að fylgjast með henni vaxa og dafna í starfi hjá Gæludýraklíníkinni.
Óliver hóf störf hjá okkur í janúar 2026 eftir að hafa verið nemi hjá okkur síðasta haust. Hann hefur þegar sýnt mikinn metnað og dugnað í starfi og fellur vel inn í teymið. Óliver stefnir á nám í dýralækningum og hefur mikinn áhuga á faginu.
oliver@gdk.is
Ragnheiður Eva hóf störf hjá okkur í september 2025 sem aðstoðarmaður dýralæknis. Ragnheiður er brosmild, jákvæð og hörkudugleg og því frábær viðbót í okkar starfsmannahóp. Ragnheiður stefnir á dýralæknanám í framtíðinni.
Sam léttir undir á álagstímum. Sam veitir aðstoð í rannsóknar- og aðgerðarýmum, sér um umönnun innlagðra dýra ásamt símsvörun, frágang og þrifum. Sam er mikil kattakona og vinnur í sjálfboðaliðastörfum fyrir Villiketti og hefur mikla reynslu af meðhöndlun kettlinga. Sam á bæði hund og ketti og er þekkt fyrir glaðlyndi og vandvirkni.
Stella er aðstoðarmaður dýralæknis með mikla reynslu á sviði skurðlækninga og svæfinga gæludýra. Stella hóf störf hjá okkur við opnun og kom með ómetanlega og dýrmæta reynslu sem og þekkingu með sér. Stella er bæði nærgætin, með þægilega nærveru og frábær leiðbeinandi fyrir reynsluminna starfsfólk. Stella hefur yfir 18 ára reynslu sem aðstoðarmaður dýralæknis og er menntaður búfræðingur. Hún starfað á nokkrum dýralæknastofum í Reykjavík, hefur sótt ótal námskeið í meðferð dýra. Meðal annars má nefna námskeið í hestanuddi auk þess að hafa fígúranta réttindi fyrir skapgerðarpróf HRFÍ og mikla reynslu af þjálfun og meðferð bæði hunda og hrossa. Stella er stundum kölluð dýrahvíslari því hún hefur einstakt lag á öllum dýrum, er næm á líðan þeirra og hefur mikla þekkingu á atferli enda búin að starfa með dýrum í tugi ára.
Stella á hundinn Kaffon og 2 kisur.
stella@gdk.is
10 fróðleg atriði um kanínur30. maí, 2021
10 merki um að gæludýrið þitt þurfi að fara til tannlæknis20. mars, 2021
5 ráð fyrir heilsuhraustari eldri hunda20. janúar, 2022
Bólusetningar hunda, katta og kanína30. maí, 2021
Hvað get ég gert ef að ég finn slasaðan fugl?27. júní, 2024
Kettir og vorið – eitranir, flær og hreiðurgerð23. apríl, 2022
